Олунньу 14 күнүгэр Маар-Күөл олохтоох бибилэтиэкэтигэр сахалыы дьыктаан буолан ааста. Дьыктаан «Төрөөбүт тыл уонна сурук-бичик күнүн» чэрчитинэн ыытыллынна. Саха Сирин бастакы Президена Михаил Ефимович Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, С.А. Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ.

Төрөөбүт тылга, сурукка-бичиккэ аналлаах декада чэрчитинэн сахалыы таба суруйуу үөрүйэҕин олохсутар, иҥэрэр сыаллаах «Сахалыы дьыктаан» аахсыйа Дьыктааны суруйууну Хотугулуу-Илиҥҥи норуоттары тылларын, култуураларын үөрэтэр үнүстүүт саха тылын хаапыдырата уонна Национальнай библиотека тэийиилэринэн 2014 сыллаахтан ыытыллар.

Быйыл Тимофей Сметанин «Кыайбыттар ыһыахтара» айымныытыттан суруйуу буолла.

Дьыктааны суруйуу түмүгүнэн:

«Бастыҥтан бастыҥ суруксут» аатын Милена Михайловна Герасимова ылла;

«Бастыҥ суруксут» Зоя Васильевна Харитонова;

«Үчүгэй суруксут» Екатерина Романовна Иванова.

Маар-Күөл нэһилиэгэр «Төрөөбүт тыл, сурук-бичик күнүн» чэрчитинэн ыытыллыбыт Өрөспүүбүлүкэтээҕи сахалыы дьыктаан аахсыйаҕа кыттан, сахалыы таба суруйууга холоммут, олоххо мэлдьи актыыбынай көрүүлээх дьоммутугар истиҥ махталбытын тиэрдэбит!